پۆڵەندا – بە گەیشتنی ٢٠ هەزار ڕووسی مەترسی شەڕێکی گەورە لە ئاردایەپۆلیسی شاری وارسۆوی پۆڵەندا ڕایگەیاند پێشبینی دەکەن ژمارەی هاندەرە ڕووسییەکان بەرز ببنەوە بۆ ٢٠ هەزار هاندەر کە خاوەنی بلیتی یارییەکەی نێوان ڕووسیا و یۆنانن، ئەمەش دوو هێندەی ئەو ژمارە هاندەرەیە کە لە یارییەکەی بەرامبەر پۆڵەندا ئامادەبوون و شەڕ و ئاژاوەیەکی زۆری لێکەوتەوە.
بە سەدان کەس لە دوای یارییەکەی نێوان پۆڵەندا و ڕووسیا دەستگیرکراون بەهۆی نانەوەی ئاژاوە و پۆلیس ترسی ئەوەی هەیە هاتنی ئەو ژمارە زۆرەی ڕووسەکان مەبەستی دیکەی لە پشتەوە بێت نەک بینەری یارییەکانی یۆرۆ. هەربۆیە لە ئێستاوە بە باشی خۆیان ئامادە کردووە بۆ ئەگەری هەر ڕووداوێک و هەموو شوێنێکی شاری وارسۆیان بە هێزەکانیان تەنیووە.
یەکێتی تۆپی پێی ئەوروپاش لەلایەن خۆیەوە بڕیاریدا سزای ڕووسیا بدات ئەگەر هاندەرانی بەردەوام بن لەسەر ئاژاوە گێڕان سزاکەش کەمکردنەوەی ٦ خاڵ دەبێت لە پاڵاوتنەکانی یۆرۆی ٢٠١٦.
Post a Comment