نانی بەرگری لە ڕۆناڵدۆ دەکات
لویس نانی یاریزانی هەڵبژاردەی پرتوگال بەرگری لە هاوڕێکەی کریستیانۆ ڕۆناڵدۆ کرد پاش ئەوەی لە یارییەکەی بەرامبەر دانیمارک چەند هەلێکی ئاسانی لەدەستدا.
پرتوگال ٣-٢ یارییەکەی بردەوە و نانی درووستکەری دوو لە گۆڵەکانی هەڵبژاردەکەی بوو، ناوبراو دوای یارییەکە وتی: کریستیانۆ باشە و دڵخۆشە، یارییەکەمان بردەوە و ئەو هیچ کێشەیەکی نیە. هەموو کەسێک گۆڵ لەدەست دەدات، ئەویش چەند هەلێکی باشی هەبوو بەڵام هێشتا یاری دیکە ماوە و ئەوکات دەتوانێت قەرەبووی بکاتەوە. ئەو بەتەنیا یاری ناکات و یاریزانێکی زۆر گرنگە بۆ ئێمە، پێم وایە باش یاریکرد چونکە یارمەتی هێڵی بەرگری و هێرشبەریدا.
سەبارەت بە یارییەکەش وتی
نیشانی هەموولایەکمان دا چەند بەپەرۆش بووین بۆ بردنەوەی یارییەکە. کاتێک دانیمارک گۆڵی بەرامبەری تۆمارکرد لە ناوەوە دەکوڵاوین لە توڕەییدا ، ئەو چەند خولەکەی کۆتای یارییەکە زۆر گرنگ بوو ئامادەبووین هەموو سەرکێشییەک بکەین لە پێناو بردنەوە و سەرکەوتووش بووین.
Post a Comment