ئەمڕۆ دەستپێکی جامی جیھانی ھەرێمەکانە لە کوردستان

ئەمڕۆ دەستپێکی جامی جیھانی ھەرێمەکانە لە کوردستان

‌ھەرێمی کوردستان بۆ یەکەمجار میوانداریی پاڵەوانێتی تۆپی پێی جامی جیھانی ھەرێمەکان (ڤیڤا وۆرڵد کەپ) دەکات کە پێنجەمین پاڵەوانێتییە ئه مرؤ ٤/٦ ئاھەنگی کردنەوەی پاڵەوانێتییەکە سەعات ٧ لەیاریگای فڕانسۆ ھەریری دەستپێدەکات و پاشان سەعات ٨ یاریی دەستپێک لەنێوان ھەردوو ھەڵبژاردەی کوردستان و بیابانی خۆرئاوا دەستپێدەکات. پاڵەوانێتییەکە بەسەرپەرشتی ئەنجومەنی نوێی یەکێتی تۆپی پێ(ئێن ئێف بۆرد) دەبێت و یەکێتی تۆپی پێی کوردستان میوانداریی دەکات و جگە لەھەڵبژاردەی ھەرێمی کوردستان تیپەکانی ٨ ھەرێمی تر لەپاڵەوانێتییەکە بەشدارن و دابەشی سەر ٣ گروپ کراون و ھەر گروپەی ٣ تیپی لەخۆگرتووە و یەکەمی ھەر ٣ گروپەکە و باشترین دووەمی گروپەکانیش بۆ قۆناغی پێشکۆتایی سەردەکەون. گروپی تیپەکان -گروپی یەکەم: کوردستان، بیابانی خۆرئاوا، ئۆکسیتانیا. -گروپی دووەم: زەنزیبار، ریتیا، تامیلام. -گروپی سێیەم: قوبرسی تورکی، دارفۆر، پڕۆڤێنس. بەرنامەی یارییەکانی قۆناغی یەکەم *دووشەممە ٤/٦: *کوردستان×بیابانی خۆرئاوا -لەیاریگای یەکەمی فڕانسۆ ھەریری (سەعات ٨)ی شەو. *زەنزیبار×ریتیا -لەیاریگای دووەمی فڕانسۆ ھەریری (سەعات ١٠)ی شەو. *قوبرسی تورکی×دارفۆر- لەیاریگای دووەمی فڕانسۆ ھەریری (سەعات ١٢)ی شەو. *سێشەممە ٥/٦: *بیابانی خۆرئاوا×ئۆکسیتانیا -لەیاریگای ئارارت-پیرمام (سەعات ٥)ی ئێوارە. *ریتیا×تامیلام -لەیاریگای دووەمی فڕانسۆ ھەریری (سەعات ٨)ی شەو. *دارفۆر×پڕۆڤێنس -لەیاریگای دووەمی فڕانسۆ ھەریری (سەعات ١٠)ی شەو. *چوارشەممە ٦/٦: *ئۆکسیتانیا×کوردستان -لەیاریگای سلێمانی (سەعات ٥)ی ئێوارە. *تامیلام×زەنزیبار -لەیاریگای دووەمی فڕانسۆ ھەریری (سەعات ٩)ی شەو. *پڕۆڤێنس×قوبرسی تورکی - لەیاریگای دووەمی فڕانسۆ ھەریری (سەعات ١١)ی شەو. پێکھاتەی ھەڵبژاردەی کوردستان *گۆڵچییەکان: ١-دیدار حامید (ھەولێر)، ٣٠-کاوە دینۆ (دھۆک)، ٢٠-غەفور عوسمان (بروسک). *بەرگریکارەکان: ٥-محەمەد حەمەخان (بروسک)، ٢-سەباح حەسیب (پێشمەرگەی ھەولێر)، ١٥-ئامانج کەریم (ھەولێر)، ٢٧-بەیار ئەبوبەکر (بروسک)، ٢٤-شێرزاد محەمەد (ھەولێر)، ٨-خالید موشیر (دھۆک)، ٤-ھەردی سیامەند(زاخۆ). *ناوەند: ١٦-میران خەسرۆ (ھەولێر)، ٢١-کۆسرەت بایز (ھەولێر)، ١٨-ئامانج عومەر (پێشمەرگەی سلێمانی)، ٧-بارزان شێرزاد (زاخۆ)، ٢٥-نێچیرڤان شوکری (زاخۆ)، ٢٦-ئامەد ئیسماعیل (دھۆک)، ١٢-ھەڵگورد مەلامحەمەد (ھەولێر). *ھێرشبەرەکان: ١٠-کارزان عەبدوڵڵا (بروسک)، ٩-نەوزاد شێرزاد (ھەولێر)، ١٣-ساڵح جابر (زاخۆ)، ١٧-رەنج بەھادین (سلێمانی). کوردستان لەپلەی شەشەمی ریزبەندییە بەر لەدەستپێکردنی پاڵەوانێتییەکە و لەدوایین ریزبەندی ھەڵبژاردەکانی سەر بە (ئەنجومەنی نوێی یەکێتی تۆپی پێ/ ئێن ئێف بۆرد)دا، کەڕۆژی ٣١/٣/٢٠١٢ بڵاوبۆتەوە، ھەڵبژاردەی پادانیا بە ٢٣٧٢ خاڵ یەکەم و ھەڵبژاردەی کۆسۆڤۆ بە ٢٣٥٤ خاڵ دووەم و ھەڵبژاردەی زەنزیبار بە ٢٣١٦ خاڵ سێیەم و ھەڵبژاردەی قوبرسی تورکی بە ٢٢٧٠ خاڵ چوارەم و ھەڵبژاردەی ئەرمەنی و سریانییەکان بە ٢٢٥٥ خاڵ پێنجەم و ھەڵبژاردەی کوردستان بە ٢٢٤٧ خاڵ لەپلەی شەشەمە. کوردستان دوو پلەی دووەمی ھەیەشایەنی باسە ھەڵبژاردەی تۆپی پێی ھەرێمی کوردستان لەیەکەم پاڵەوانێتی جامی جیھانی ھەرێمەکان کەساڵی ٢٠٠٦ لەکۆکسیتانیا رێکخراوە بەشدارنەبووە و لەدووەم پاڵەوانێتیدا کە ساڵی ٢٠٠٨ لەسامیلاند رێکخراوە پلەی چوارەم و لەھەردوو پاڵەوانێتی سێیەم لەپادانیا و چوارەم لەگۆزۆ کەساڵانی ٢٠٠٩ و ٢٠١٠ ئەنجامدراوە، پلەی دووەمی بەدەستھێناوە.