مۆرینهۆ : پێویست ناکات من هیچ شتێک بڵێم لەسەر دەستلەکارکێشانەوەی گواردیۆلا و هیوای خۆشبەختی بۆ ئەخوازم

کاتێک ڕۆژنامەنووسێک داوای بۆچوونی مۆرینهۆی کرد سەبارەت بە دەست لەکارکێشانەوەی گواردیۆلا لە ئەرکەکەی ، مۆرینهۆی ڕاهێنەری یانەی ڕیاڵ مەدرید  ڕەتیکردەوە شتێکی ئەوتۆ بڵێت و تەنیا ئاماژەی بەوەدا  ڕێزی بڕیارەکەی دەگرێت .
مۆرینهۆ وتی
پێویست ناکات من هیچ بڵێم ، ئەوە بڕیاری خۆی بووە . خۆی دەبێت قسەی لەسەربکات .  بۆیە کەس بەداخ نیە و کەس گازندەی لێناکرێت چونکە خۆی بەوە دڵخۆشە  ، ئەمە جیایە لەگەڵ ڕاهێنەرێک کە لەلایەن یانەکەیەوە دووردەخرێتەوە . هیوادارم گواردیۆلا  کاتێکی خۆش بەسەرببات و باوەشێکی گەرمی بۆ دەنێرم .