یه‌كێك له‌یاریه دۆستانه‌كانی دوێنێ شه‌و روبه‌رو بونه‌وه‌ی هه‌ردوو هه‌لبژارده‌ی سویسرا و هه‌لبژارده‌ی ئه‌رجه‌نتین بوو ، ئه‌م یاریه جیاوازتر له یاریه‌كانی تر بۆ هه‌لبژارده...ی ئه‌رجه‌نتین خوێندنه‌وه‌ی بۆ كرا ، ئه‌ویش به‌تایبه‌ت بۆ لیۆنێل میسی .
هه‌میشه له هه‌موو یاریه‌كانی هه‌لبژارده‌ی ئه‌رجه‌نتین زوومی كامێراكان له‌سه‌ر لیۆنیل میسی ده‌بوو تابزانن چی بۆ هه‌لبژارده‌ی ووڵاته‌كه‌ی ده‌كات ، چونكه ره‌خنه‌كان هه‌میشه بۆ ئه‌و یاریزانه بێزاركه‌ر ده‌بوون .
ره‌خنه‌كان به جۆرێك بوون كه میسی ئه‌و ئاسته‌ی بۆ یانه‌ی به‌رشه‌لۆنه پێشكه‌شی ده‌كات هه‌رگیز بۆ هه‌لبژارده‌ی ووڵاته‌كه‌ی پێشكه‌شی ناكات .
به‌ڵام دوای ئه‌وه‌ی بۆ یه‌كه‌مین جار هاتریكی بۆ هه‌لبژارده‌كه‌ی تۆمار كرد ، به‌شێوه‌یه‌كی به‌رچاو رۆژنامه ئه‌رجه‌نتینیه‌كان ستایشی ئاستی ئه‌و یاریزانه‌یان كرد و كه‌وتنه پیاهه‌لدان به‌جۆرێك هه‌ر رۆژنامه و به‌جۆرێك باسیان له ئاستی ئه‌و یاریزانه كردووه .
رۆژنامه‌ی ( ئه‌وه‌لی ) نوسیویه‌تی ( میسی له به‌رشه‌لۆنه‌وه ؛ واتا دواجار ئه‌و میسی یه‌ی له‌به‌رشه‌لۆنه ئه‌بینرا له ئه‌رجه‌نتینیش بینرا ) .
هه‌روه‌ها رۆژنامه‌ی ( السبب) نوسیویه‌تی ( من ئه‌رجه‌نتینیم ..!) واتا ئه‌وه‌ی له‌ده‌ستم بێت بۆ هه‌لبژارده‌ی ولاته‌كه‌م پێشكه‌شی ده‌كه‌م .
هه‌روه‌ها رۆژنامه‌ی ( كلارین ) نوسیویه‌تی ( میسی جادووی له سویسرا كرد : واتا نه‌یان توانی ئه‌و یاریزانه بدۆزنه‌وه له یاریگادا )
https://www.facebook.com/kurdistan24sport
Post a Comment